Missiya, baxış və strateji məqsədlər

Burada 2023-cü il üzrə illik hesabatdan RUSA LGBTQ+ (indi QARAVAN) təşkilatının missiyası, baxışı, dəyərləri və strateji məqsədləri toplanıb.

Missiya

RUSA LGBTQ+ Nyu-Yorkda yerləşir. Bu, Şərqi Avropa, Mərkəzi Asiya və Qafqazdan olan LGBTQ+ immiqrantlardan, qadınlardan və kəsişən kimlikləri olan digər insanlardan, həmçinin onların dostlarından ibarət ictimai qeyri-kommersiya təşkilatıdır. Digər yerli təşəbbüs qrupları ilə birlikdə ədalətsiz siyasəti, cəmiyyətdəki ayrı-seçkilik əhval-ruhiyyəsini və təzyiqçi ideologiyaları dəyişmək və daha ədalətli dünya yaratmaq üçün insanların gücünü artırırıq.

RUSA LGBTQ+ 2008-ci ildə yerli təşəbbüs qrupu kimi yaranıb və 2022-ci ildə qeyri-kommersiya təşkilatı kimi qeydiyyatdan keçib. Biz ABŞ-dakı sığınacaq axtaranlara və digər immiqrantlara məlumat dəstəyi və qarşılıqlı yardım veririk, LGBTQ+ immiqrantların və dostların icmasını gücləndirmək və bütün dünyada LGBTQ+ insanların daha çox qəbul olunmasına və cəmiyyətə daxil edilməsinə nail olmaq üçün tədbirlər təşkil edirik.

Baxış

İstəyirik ki, Şərqi Avropa, Mərkəzi Asiya və Qafqazdan olan LGBTQ+ immiqrantların icması ABŞ-da və bütün dünyada sosial ədalət və insan hüquqları uğrunda hərəkatların ayrılmaz və fəal hissəsi olsun. Bu hərəkatların ümumi məqsədi elə dünyadır ki, orada istənilən irqdən, etnik mənsubiyyətdən, cinsi oriyentasiyadan, gender kimliyindən olan və istənilən imkanlara malik insanlar qorxu, zorakılıq, dözümsüzlük və ayrı-seçkilik olmadan insan hüquqlarından tam, açıq və təhlükəsiz istifadə edirlər.

Dəyərlər

İşimizi müəyyən edən dəyərlər və açar sözlər:

• Gender ədaləti
• Şəffaflıq
• Mənsubiyyət
• Seçilmiş ailə
• Sevinc
• Vətəndaş iştirakı
• İnsan hüquqları
• İmmiqrantlar üçün ədalət
• İrqi ədalət
• Həmrəylik

Biz həmçinin bunları dəstəkləyirik:

• Antiimperializm
• Fərqlərə hörmət
• Müxtəliflik
• İnklüzivlik
• Qarşılıqlı dəstək
• Könüllülərin iştirakı

Biz bunlara can atırıq:

• Əlilliyi olan insanlar üçün ədalət
• Bərabər imkanlar
• Azadlıq
• Səfərbərlik
• Mədəni həssaslıq (cultural humility)
• İştirak
• Qürur

Strateji məqsədlər

Strateji məqsədimiz icmanı qurmaq və gücləndirməkdir. Biz Şərqi Avropa, Mərkəzi Asiya və Qafqazdan olan LGBTQ+ immiqrantları icma tədbirləri, qarşılıqlı yardım, mütəxəssislərə yönləndirmələr və tanışlıq görüşləri vasitəsilə birləşdiririk. LGBTQ+ insanlara, qadınlara, qaçqınlara və həssas vəziyyətə düşmüş digər qruplara qarşı struktur və şəxslərarası ayrı-seçkiliyə birlikdə qarşı çıxırıq.

Yeni qeyri-kommersiya təşkilatı kimi RUSA öz imkanlarını və dayanıqlılığını da inkişaf etdirir. İcmanı dəstəkləmək, missiyanı yerinə yetirmək və sabit, uzunmüddətli, təsirli və effektiv təşkilat olaraq qalmaq üçün bilik və bacarıqlarımızı artırırıq.