Huquqlarni himoya qilish va Brighton Beach Pride

Bu boʻlimda QARAVANning 2024-yildagi huquqlarni himoya qilish boʻyicha ishi, matbuotdagi chiqishlar va 2024-yil 19-maydagi Brighton Beach Pride paradi haqida soʻz boradi.

Huquqlarni himoya qilish va matbuotdagi chiqishlar

Biz OAVdagi chiqishlar, sharhlar va hamkorlik aloqalarini qurish orqali hamjamiyat manfaatlarini himoya qilamiz. Barcha muhojirlar, qochqinlar, boshpana soʻrovchilar, LGBTQ+ insonlar (lesbiyankalar, geylar, biseksuallar, transgender va kvir insonlar), kam daromadli oilalar va boshqa nyu-yorkliklarning huquqlarini samaraliroq himoya qilish uchun tashkilotlar va koalitsiyalarga qoʻshilamiz.

Biz NYC Pride, Nyu-Yorkning turli qismlaridagi praydlar hamda muhojirlar va LGBTQ insonlar bilan ishlaydigan tashkilotlarning koalitsiya va tarmoqlarida qatnashamiz. LGBTQ+ muhojirlarni birgalikda yaxshiroq qoʻllab-quvvatlash uchun mahalliy saylangan mansabdor shaxslar bilan uchrashamiz.

2024-yilda QARAVAN haqida kamida 20 ta teledastur, gazeta va onlayn OAV xabar berdi.

Hisobotning matbuotdagi chiqishlar boʻlimida koʻrsatilgan nashrlar va kanallar:

• CBS News
• The Big Issue
• Out
• Brooklyn Magazine
• The New Yorker
• Rolling Stone
• VICE
• Vox
• W magazine
• Paper
• The Advocate
• them
• Newsweek
• WIRED
• The Guardian
• The New York Times

Brighton Beach Pride paradi

QARAVAN har yili Brighton Beach Pride tadbirini tashkil qiladi. Brighton Beach Pride hamjamiyat va huquqlarni himoya qilish uchun bizning asosiy tadbirimiz. LGBTQ+ oʻziga xosligi va xilma-xillikning bu bayrami hamjamiyatni birlashtiradi, mavzuga eʼtiborni jalb qiladi va inklyuzivlikni, ayniqsa Brooklynning janubiy qismida, ilgari suradi.

• SakkizinchiBrighton Beach Pride paradi, 2024-yil 19-may
• Yuzlabmuhojir va doʻstlar Coney Islanddan Brighton Beachgacha yurib oʻtdi

2024-yil 19-may kuni bizning sakkizinchi paradimiz boʻlib oʻtdi. Yuzlab odamlar, muhojirlar va doʻstlar, bannerlarimiz va bayroqlarimiz bilan Coney Islanddan Brighton Beachgacha Riegelmann Boardwalk boʻylab bu yilgi «Bizning sevgimiz ekstremizm emas» (Our Love is not Extremism) shiori ostida yurib oʻtdi.

Mitingda faol va jurnalist, «Gay USA» dasturining hamboshlovchisi Ann Northrop, Voices4 asoschilaridan biri Adam Eli hamda hamjamiyatning yana bir necha yetakchilari soʻzga chiqdi. Tadbir haqida Gay City News hamda bir necha mahalliy blogerlar va nashrlar yozdi.