Рисолат, ҷаҳонбинӣ ва ҳадафҳои стратегӣ

Дар ин ҷо рисолат, ҷаҳонбинӣ, арзишҳо ва ҳадафҳои стратегии RUSA LGBTQ+ (ҳоло QARAVAN) аз ҳисоботи солона барои соли 2023 ҷамъ оварда шудаанд.

Рисолат

RUSA LGBTQ+ дар Ню-Йорк ҷойгир аст. Ин ташкилоти ҷамъиятии ғайритиҷоратӣ аст, ки онро муҳоҷирони ЛГБТК+ аз Аврупои Шарқӣ, Осиёи Марказӣ ва Қафқоз, занон ва дигар одамоне, ки ҳувиятҳои якдигарро буранда доранд, инчунин ҳампаймонони онҳо ташкил медиҳанд. Мо якҷо бо дигар гурӯҳҳои мардумӣ қудрати одамонро мустаҳкам мекунем, то сиёсати беадолатона, кайфияти табъизомези ҷомеа ва идеологияҳои зулмкунандаро тағйир дода, ҷаҳони одилонатар созем.

RUSA LGBTQ+ соли 2008 ҳамчун гурӯҳи мардумӣ пайдо шуд ва соли 2022 ҳамчун ташкилоти ғайритиҷоратӣ ба қайд гирифта шуд. Мо ба паноҳҷӯён ва дигар муҳоҷирон дар ИМА дастгирии иттилоотӣ ва кӯмаки ҳамдигарӣ медиҳем ва чорабиниҳо ташкил мекунем, то ҷомеаи муҳоҷирони ЛГБТК+ ва ҳампаймононро мустаҳкам кунем ва ба қабул ва фарогирии бештари одамони ЛГБТК+ дар тамоми ҷаҳон ноил шавем.

Ҷаҳонбинӣ

Мо мехоҳем, ки ҷомеаи муҳоҷирони ЛГБТК+ аз Аврупои Шарқӣ, Осиёи Марказӣ ва Қафқоз қисми ҷудонашаванда ва фаъоли ҳаракатҳо барои адолати иҷтимоӣ ва ҳуқуқи инсон дар ИМА ва тамоми ҷаҳон гардад. Ҳадафи умумии ин ҳаракатҳо ҷаҳонест, ки дар он одамони ҳар нажод, мансубияти қавмӣ, тамоюли ҷинсӣ, ҳувияти гендерӣ ва ҳар гуна қобилият аз ҳуқуқи инсон пурра, ошкоро ва бехатар, бе тарс, зӯроварӣ, таҳаммулнопазирӣ ва табъиз истифода мебаранд.

Арзишҳо

Арзишҳо ва калимаҳои калидие, ки кори моро муайян мекунанд:

• Адолати гендерӣ
• Шаффофият
• Мансубият
• Оилаи интихобшуда
• Шодӣ
• Иштироки шаҳрвандӣ
• Ҳуқуқи инсон
• Адолат барои муҳоҷирон
• Адолати нажодӣ
• Ҳамбастагӣ

Мо инчунин дастгирӣ мекунем:

• Зиддиимпериализм
• Эҳтиром ба тафовутҳо
• Гуногунӣ
• Фарогирӣ
• Дастгирии ҳамдигар
• Иштироки волонтёрҳо

Мо барои инҳо саъй мекунем:

• Адолат барои одамони дорои маълулият
• Имкониятҳои баробар
• Озодӣ
• Сафарбаркунӣ
• Ҳассосияти фарҳангӣ (cultural humility)
• Иштирок
• Ифтихор

Ҳадафҳои стратегӣ

Ҳадафи стратегии мо сохтан ва мустаҳкам кардани ҷомеа аст. Мо муҳоҷирони ЛГБТК+-ро аз Аврупои Шарқӣ, Осиёи Марказӣ ва Қафқоз тавассути чорабиниҳои ҷомеа, кӯмаки ҳамдигарӣ, равона кардан ба мутахассисон ва вохӯриҳои шиносоӣ муттаҳид мекунем. Мо якҷоя бар зидди табъизи сохторӣ ва байнишахсии одамони ЛГБТК+, занон, гурезаҳо ва дигар гурӯҳҳое, ки дар вазъи осебпазир қарор гирифтаанд, мебароем.

Ҳамчун ташкилоти нави ғайритиҷоратӣ, RUSA инчунин имкониятҳо ва устувории худро рушд медиҳад. Мо дониш ва малакаҳоро зиёд мекунем, то ҷомеаро дастгирӣ кунем, рисолатро иҷро намоем ва ташкилоти устувор, дарозмуддат, таъсирбахш ва самаранокро нигоҳ дорем.